ಗುರು, ಮಿತ್ರ, ಪ್ರೇಯಸಿ ಮತ್ತು ತಾಯಿ

ಮನಸನು ಮಾರ್ಪಡಿಸಿ, ಕನಸುಗಳ ಕಲ್ಪನೆ ಕೊಟ್ಟು
ಚಿಂತಾರಹಿತನಾಗಿಸಿ , ನಿರ್ಭಯಗೊಳಿಸುವನೇ ಗುರು.


ಮನಸ್ಸಿಗೆ ಖುಷಿ ಕೊಟ್ಟು ,ಕನಸಿಗೆ ಗರಿ ಒದಗಿಸಿ
ಚಿಂತೆಗಳ ಪರಿಹರಿಸಿ , ಭಯವ ದೂರಾಗಿಸುವನೆ ಮಿತ್ರ .


ಮನಸ್ಸನೇ ಕದ್ದು, ಕನಸಾಗಿ ಕಾಣಿಸಿ
ಚಿಂತೆಗಳ ಕೊನೆಗಾಣಿಸಿ, ಭಯಕೆ ಎದೆ ಕೊಡಿಸುವವಳೇ ಪ್ರೇಯಸಿ.


ಮನಸ್ಸನು ನಿರ್ಮಿಸಿ, ನಮ್ಮನೆ ಕನಸೆಂದು ಬಗೆದು
ನಮ್ಮ ಚಿಂತೆಗಳ ಹೊತ್ತು , ಭಯವ ತಾಪಡುವವಳೇ ಹೆತ್ತ ತಾಯಿ.

ಚುನಾವಣೆ

ಬನ್ನಿ ಭಾರತೀಯರೆ ಪ್ರಜಾಪ್ರಭುತ್ವ ಮೆರೆಯುವಾ
ನೂರು ಕೋಟಿ ಮತವ ನೀಡಿ ನಾವಿಂದು ಜಯಿಸುವಾ

ಎಲ್ಲ ಜೀವಿಗಳಿಗೆ ಇಲ್ಲ ಈ ಒಂದು ಅವಸರ
ನಮಗೆ ಹಕ್ಕಾಗಿ ಸಿಕ್ಕಿದೆ ಎಂಬುದೆಷ್ಟು ಸುಮಧುರ

ಬೆಳೆಸೋಣ ನಾವು ಭಾರತಾಂಬೆಯ ಹೆಮ್ಮೆಯ
ಆರಿಸೋಣ ತಿಳಿದು ಸುಜನರ ನಮ್ಮೆಯ

ಭಾವಿ ಜೀವನ ಇದರ ಮೇಲೆ ನಿರ್ಭರ
ಮಾಡದಿರೆ ಧೃಡ ನಿರ್ಧಾರ ಆಗುವದು ಬರ್ಬರ

ಸುತ್ತುವರೆದ ಪಾಪಿ ರಾಷ್ಟ್ರಗಳ ಎದುರಿಸ ಬೇಕಿದೆ
ನಮ್ಮಲಿರುವ ದುಷ್ಟರ ದಮನವಾಗಬೇಕಿದೆ

ನಾವು ಭಾರತೀಯರೆಂದು ವಿಶ್ವ ಗೌರವಿಸುವುದು
ನನ್ನ ಹಿಂದೆ ನೂರು ಕೋಟಿ ಜನ ಇರುವರೆಂದು ತಿಳಿವುದು

ಜಾತಿ ಮತ ಪಂಥ ಕಿಂತ ದೇಶ ದೊಡ್ಡದಿರುವುದು
ಅದಿಲ್ಲದಿದ್ದರೆ ಹಮ್ಮೆಯೇ ನಮಗುಳಿಯದು

ಯಾರನ್ನೇ ಆರಿಸೋಣ ನಾವು
ಆದರೆ, ಭಾರತಾಂಬೆಯೇ ಜಯಿಸಲಿ.

ನಿತ್ಯ - ಸತ್ಯ

ತಂದೆ ತಾಯಿ ಕೊನೆವರೆಗೆ ಉಳಿಯುವರಲ್ಲ,
ಮಡದಿ ಮಕ್ಕಳು ಕೊನೆಯಲಿ ಜೊತೆ ಹೊರಡುವವರಲ್ಲ.

ಬುದ್ಧಿ ಅರವತ್ತಾದರೆ ಇರುವದಿಲ್ಲ,
ಮುದಿತನದಿ ಶುದ್ಧಿ ಬಳಿ ಸುಳಿಯುವದಿಲ್ಲ.

ಮುಪ್ಪಿನ ನೀರಿಗೆಯಲಿ ಸೌಂದರ್ಯ ಅಡಗುವದಲ್ಲ,
ಕಷ್ಟದ ಮಡುವಿನಲಿ ಬಿದ್ದು ಸೊಕ್ಕು ಮುರಿಯುವುದಲ್ಲ.

ಜೀವ ತೆಯ್ದಂತೆ ಜೀವದ ಆಸೆ ಬಲಿಯುವುದಲ್ಲ
ರೋಗ ರುಜಿನಗಳ ಸರಮಾಲೆ ಬಿಡದೆ ಬೆಳೆಯುವುದಲ್ಲ.

ಸುಖ ಪಟ್ಟೆ ಎಮ್ಬುದು ಬರಿ ನೆನಪಾಗಿ ಉಳಿಯುವುದಲ್ಲ.
ಕಷ್ಟವ ಮರೆಯಲು ಆಗುವದಿಲ್ಲ, ನಿರಂತರ ಜೊತೆ ಇರುವುದಲ್ಲ.

ಹೂಳು, ಕೊಳ್ಳಿ ಇಡು, ಬಿಡು; ದೇಹ ನಶಿಸುವದಲ್ಲ,
ದೇಹ ನಡೆಸಿದ ಚೈತನ್ಯ ಏನು, ಏನಾಯಿತು ತಿಳಿಯುವುದಿಲ್ಲ .

ಪಯಣ

ಜೀವನ ನಡಿಯುವುದೇ ಗುರಿಗಳ ಗುಂಗಿನಲ್ಲಿ , ಗುರಿಯಿಲ್ಲದಿದ್ದರೆ ಬದುಕು ಆಗುವುದು ಗುಂಡಿ.

ಕಟ್ಟಿ ಛಲವೆಂಬ ಬುತ್ತಿ, ಹೊತ್ತು ಉತ್ಸಾಹದಾ ಚಿಲುಮೆ

ಚೈತನ್ಯದಾ ತೊಡುಗೆಯಲಿ, ಪಾದುಕೆ ತಾಳ್ಮೆಯ ಧರಿಸಿ

ಧೃತಿಯ ರಸಾಯನಮಾಡಿ, ಆಕಾಂಕ್ಷೆಯ ಸಂಭ್ರಮದಿ

ಗುರಿಯ ತಲುಪುವ ತವಕದಾ ಪಯಣದಲಿ, ಹೊರಟಿರುವೆ ನಾನು
ಬರುವೆಯಾ ... ನೀನು ???

ಮಹಿಮೆ

ನೀನಿದ್ದರೆ ನಾನು ಉತ್ಸಾಹದ ಚಿಲುಮೆ,

ನಿನ್ನಿಂದ ಮನಸ್ಸಿನಲ್ಲಿ ಬತ್ತದಾ ಒಲುಮೆ.

ನೀನೆ ನನ್ನ ಒಳಿತಿಗೆ ಕಾರಣವೆಂಬ ಹಿರಿಮೆ,

ಬಿಡು: ನಿನ್ನದೇನೂ ಇಲ್ಲ ಇದೆಲ್ಲ ನನ್ನ ಮನಸ್ಸಿನ ಮಹಿಮೆ.

ಜೂಟಾಟ ಅಡೋಣವೇ ಗೆಳತಿ ??

ಈ ಕವನಾ ಏನು ವಿಚಾರ ಮಾಡಿ ಬರ್ದೀನಿಪಾ ಅಂದ್ರ ,
ಒಂದ್ ಆಟ ನಾವು ಎಲ್ಲರೂ ಸಣ್ಣನ್ದಿರ್ತ ಏನು ಆಡಿದ್ವಿ ಅದನ್ನ ಒಂದು ಪ್ರೀತಿ ಮಾಡು ಜೋಡಿ ಆಡಿತು ಅಂದ್ರ
ಹೆಂಗ್ ರೊಮ್ಯಾಂಟಿಕ್ ಆಗಬಹುದು ???

ಸೋ ನಾನು "ಸ್ಟಾಪ್" ಆಟ ಸೆಲೆಕ್ಟ್ ಮಾಡಿನಿ, ಯಾಕಂದ್ರ ಇದರೋಳಗ ಕೈ ಕಾಲು ಝಾಡ್ಸೂದು ಕಮ್ಮಿ , ಮತ್ತು ಕಣ್ಣಿನ ನೋಟದ್ದ ಪ್ರಮುಖ್ಯತಾ ಜಾಸ್ತಿ ಅದ ...

ಪ್ರೇಯಸಿ ಅಡಿಕ್ಕೊತ್ತಾಳ ಪ್ರಿಯಕರ್ ಹುಡುಕಲಿಕ್ಕೆ ಶುರು ಮಾಡ್ತಾನ ..
ಆವಾಗ ಅವನ ಭಾವನೆಗಳು ಹಿಂಗ ..

ಕನಸನೇ ಮಾಡಿ ನಮ್ಮಾಟಕೆ ಸೀಮೆ!!
ಜೂಟಾಟವಾ ಆಡೋಣವೇ ಗೆಳತಿ????
ನಾ ಬಲ್ಲೆ ನೀ ನನ್ನ ಹೃದಯದಲಿ ಅವಿಯುವಿ,
ಹೃದಯದಲೇ ನಾ ಇಣುಕಲು ನೀ ಮನಸಿಗೆ ಸರಿಯುವಿ...

ನಾನಿನ್ನ ಹುಡುಕುವ ತವಕದ ನೋಟವ ಮರೆಯಾಗಿ ನೀ ಸವಿಯುವಿ,
ನಿನಗಾಗಿ ನನ್ನ ತುಡಿತವ ನೋಡಿ ನೀ ನಲಿಯುವಿ !!

ಕಂಡೊಡನೆ ನಿನ್ನ ಆ ಮೊದಲ ನೋಟದ ನೆನಪು,
ಆ ಅದ್ಭುತ ಕ್ಷಣ ಮರು ಜೀವಿಸಿದ ಹುರುಪು..

ನಿನಗೋ ನೀ ಸಿಕ್ಕೆಯಂಬ ಹುಸಿ ಮುನಿಸು,
ಸಂಭ್ರಮ ಕಂಡಾಗ ನಿನ್ನ ನಾ ಪಡುವ ನೋಟ, ಅಲ್ಲವೇ ನಿನ್ನ್ ಕನಸು ??